ආයතනය තුළ පවතින පද්ධතිමය බාධාවන් හදුනා ගැනීම සදහා වත්මන් ක්‍රියා පටිපාටි සහ චක්‍රලේඛ පරීක්ෂා කිරීම සහ මෙහෙයුම් කාර්යක්ෂමතාව ඉහළ නැංවීම සදහා ඒවා සරල කිරීම.

දුෂණ අවදානම් ඇගයීම (Corruption Risk Assessment) සිදුකිරීම මගින් ආයතනය තුළ දුෂණයට හා සදාචාර විරෝධි හැසිරීම්වලට ගොදුරු විය හැකි ක්‍ෂේත්‍ර හදුනා ගැනීම සහ ඉලක්කගත වැලැක්වීමේ පියවර ගැනීම.

ආයතනයේ අවශ්‍යතා වලට ගැලපෙන පරිදි සකස් කරන ලද නිශ්චිත දුෂණ විරෝධි අරමුණු සහ උපායමාර්ග ඇතුළත් ආයතනික සුපිළිපන්න ක්‍රියාකාරි සැලැස්මක් සකස් කර ක්‍රියාත්මක කිරීම.

ජාතික දුෂණ විරෝධි ක්‍රියාකාරි සැලැස්ම සමග ආයතනික ප්‍රතිපත්ති සහ භාවිතයන් පෙළගස්වමින් ජාතික දුෂණ විරෝධි උපාය මාර්ග වලට අනුකූල වීම.

2023 අංක 9දරණ දුෂණ විරෝධි පනත ඇතුළු ජාතික හා ජාත්‍යන්තර දුෂණ විරෝධි නීති සමග ආයතනයේ අනුකූලතාව ඇගයීම සදහා අනුකූලතා සමාලෝචන (Compliance Assessment) සිදු කිරීම සහ වැඩිදියුණු කළ යුතු ක්ෂේත්‍ර හදුනාගැනීම.

සියලුම රාජ්‍ය නිළධාරීන් සහ සේවා නියුක්තිකයින් සදහා වත්කම් ප්‍රකාශන අවශ්‍යතා වලට අනුකූල වීම සහතික කිරීම සහ අල්ලස් හෝ දුෂණ චෝදනා විමර්ශන කොමිෂන් සභා නියෝග සහ 2023 අංක 9 දරණ දුෂණ විරෝධි පනතට අනුකූලව බැදියාවන් අතර ගැටුම් කළමනාකරණය කිරීම.

ආයතනය තුළ දුෂණ සහ සදාචාර විරෝධි හැසිරීම් සම්බන්ධ පරමිණිලි භාර ගැනීම සහ කළමනාකරණය කිරීම සදහා ආරක්ෂිත පද්ධතියක් ස්ථාපිත කිරීම,එවැනි සියලුම පැමිණිලි සම්බන්ධයෙන් අදාළ නිළධාරීන් හෝ ඒකක විසින් කඩිනමින් කටයුතු කරන බවට සහතික වීම සහ විනිවිදභාවය හා වගවීම සහතික කරමින් විමසීම් සිදු කරන අදාළ පාර්ශවකරුවන් වෙත නිරන්තර යාවත්කාලීන කිරීම් ලබාදීම,අවශ්‍ය පරිදි දුෂණ විරෝධි පනත යටතේ විමර්ශන සදහා අදාළ කරුණු,සොයාගැනීම් හෝ තොරතුරු අල්ලස් හෝ දුෂණ චෝදනා විමර්ශන කොමිෂන් සභාව වෙත යොමු කිරීම.

ආයතනය විසින් සපයනු ලබන සේවාවන් විස්තර කෙරෙන පුරවැසි ප්‍රඥප්තියක් සංවර්ධනය කර ප්‍රකාශයට පත් කිරීම.

රාජ්‍ය නිළධාරීන් විසින් පිළිපැදිය යුතු ප්‍රමිතිගත ආදාර ධර්ම සංග්‍රහයක් ඇතුළුව,සදාචාරාත්මක පාලනය ප්‍රවර්ධනය කරන ප්‍රතිපත්ති ස්ථාපිත කිරීම සහ බලාත්මක කිරීම.

දුෂණ විරෝධි මුලධර්ම වලට කැපවී සිටිමට අභිප්‍රේරණයක් ලෙස කාර්යය මණ්ඩලය පුහුණු කිරීම සහ දැනුවත් කිරීම ඇතුළු අනෙකුත් ක්‍රියාමාර්ග ගැනීම.

අල්ලස් හෝ දුෂණ චෝදනා විමර්ශන කොමිෂන් සභාව සහ ජාතික දුෂණ විරෝධි රාමුව මගින් මෙහෙයවනු ලබන සුපිළිපන්න ඇගයීම් ක්‍රියාවලීන් සදහා ආයතනය සහභාගි වන බව සහ ඒ සමග පෙළගැසෙන බව සහතික කරමින්,ජාතික දුෂණ විරෝධි සුපිළිපන්න ඇගයීම (National Anti-Corruption Integrity Assessment) සදහා ආයතනික කේන්ද්‍රස්ථානය ලෙස ක්‍රියා කිරීම.

ඒකකයේ රාජකාරි ක්‍රියාත්මක කිරීමේදි අඛණ්ඩ මගපෙන්වීම් සහ සහාය ලබාගැනීම සදහා අල්ලස් හෝ දුෂණ චෝදනා විමර්ශන කොමිෂන් සභාව සමග සම්බන්ධතා පවත්වා ගැනීම.

අභ්‍යන්තර කටයුතු ඒකකයෙහි ක්‍රියාකාරකම්,දුෂණ විරෝධි මුලපිරීම් වල ප්‍රගතිය,මුහුණ දෙන අභියෝග සහ ඉදිරි ක්‍රියාමාර්ග සදහා නිර්දේශ සාරාංශ ගත කරමින් කලානුරූපි සහ වාර්ෂික වාර්තා සකස් කිරිම.

පුද්ගලික අංශයේ පාර්ශවකරුවන්ගේ සහභාගිත්වයෙන් සුපිළිපන්නතාවය වර්ධනය කිරීම සදහා වන සැලසුම් සකස් කිරීම හා ක්‍රියාත්මක කිරීම.